Our Lady of Medjugorje Messages - complete list

"Дарагія дзеці! Я з вамі так доўга, бо Бог вялікі ў сваёй міласці і ў маёй прысутнасці. Я заклікаю вас, дзеткі, вярнуцца да Бога і да малітвы. Хай любоў будзе мерай вашага жыцця, і памятайце, дзеткі, што малітва і пост твораць цуды ў вас і вакол вас. Што б вы ні рабілі, няхай гэта будзе на славу Богу, і тады Неба напоўніць ваша сэрца радасцю, і вы адчуеце, што Бог любіць вас і пасылае мяне, каб выратаваць вас і Зямлю, на якой вы жывяце. Дзякуй, што адгукнуліся на мой заклік. "

"Дарагія дзеці! У гэты час я заклікаю вас вярнуцца да Бога і маліцца. Паклічце на дапамогу ўсіх святых, каб яны маглі стаць вашым прыкладам і дапамогай. Сатана моцны і імкнецца прыцягнуць як мага больш сэрцаў. Ён хоча вайны і нянавісці. Вось чаму я так доўга з вамі, каб весці вас па шляху збаўлення, да Таго, хто ёсць дарогай, праўдай і жыццём. Вярніцеся, дзеткі, да любові да Бога, і Ён стане вашай сілай і прытулкам. Дзякуй, што адгукнуліся на мой заклік. "

"Дарагія дзеці! Цяпер час любові, цяпла, малітвы і радасці. Дзеткі, маліцеся, каб Дзіцятка Езус нарадзіўся ў вашых сэрцах. Адкрыйце сэрцы Езусу, які аддае сябе кожнаму з вас. Бог паслаў мяне быць радасцю і надзеяй у гэты час, і я кажу вам: без дзіцяці Езуса ў вас няма ні пяшчоты, ні адчування Неба, якія схаваны ў нованароджаным. Таму, дзеткі, працуйце над сабой. Чытаючы Святое Пісанне, вы адкрыеце для сябе нараджэнне Езуса і радасць як у першыя дні, якія Меджугор'е падарыла чалавецтву. Гісторыя будзе праўдай, і яна паўтараецца сёння ў вас і вакол вас. Працуйце і будуйце мір праз сакрамэнт споведзі. Дзеці, прымірыцеся з Богам, і вы ўбачыце вакол сябе цуды. Дзякуй, што адгукнуліся на мой заклік. "

"Дарагія дзеці! Я прыношу вам маленькага Езуса, Які прыносіць вам мір. Ён- мінулае, сучаснасць і будучыня вашага жыцця. Дзеткі, не дазваляйце сгаснуць вашай веры і надзеі на лепшую будучыню, бо вы абраныя быць сведкамі надзеі пры любой магчымасці. Вось чаму я тут з Езусам, каб дабраславіць вас сваім супакоем. Дзякуй, што адгукнуліся на мой заклік. "

"Дарагія дзеці! У гэты час я запрашаю вас маліцца, пасціцца і выракацца, каб былі мацнейшымі ў веры. Гэта час абуджэння і нараджэння. Як і прырода, што дарыць сябе, таксама і вы, дзеткі, разважайце колькі вы атрымалі. Будзьце радаснымі носьбітамі міру і любові, каб добра было вам на зямлі. Вы прагнеце неба, а на небе няма ні гора ні нянавісці. Таму, дзеткі, вырашыце яшчэ раз навярнуцца і дазвольце святасці панаваць у вашым жыцці. Дзякуй, што адгукнуліся на мой заклік. "

"Дарагія дзеці! Бог дазволіў мне быць з вамі сёння, заклікаць вас да малітвы і посту. Жывіце гэтым часам ласкі і будзьце сведкамі надзеі, бо я паўтараю вам, дзеткі, што праз малітву і пост можна ўратавацца нават ад вайны. Дзеткі, верце і жывіце ў веры і з верай у гэты час ласкі, і маё Беззаганнае Сэрца не пакіне нікога з вас у бядзе калі маёй абароны папросіце. Я заступаюся за вас перад Ўсявышнім і малюся за мір у вашых сэрцах і надзею на будучыню. Дзякуй, што адгукнуліся на мой заклік. "

"Дарагія дзеці! І сёння я з вамі, каб сказаць вам: -,,Дзеткі, хто моліцца той не баіцца будучыні і не губляе надзеі". Вы абраныя прыносіць радасць і супакой таму што вы мае. Я прыйшла сюды як Каралева міра, таму што д'ябал хоча хваляванняў і вайны, хоча напоўніць вашыя сэрцы страхам будучыні, а будучыня належыць Богу. Таму будзьце пакорныя, маліцеся і пакіньце ўсё ў руках Усявышняга, які стварыў вас. Дзякуй, што адгукнуліся на мой заклік. "

"Дарагія дзеткі! Сёння я запрашаю вас засведчыць вашу веру ў колерах вясны. Няхай гэта будзе вера ў надзею і мужнасць. Няхай ваша вера не вагаецца, дзеткі, у любой сітуацыі, нават у гэты час выпрабаванняў. Ідзіце смела з уваскрослым Хрыстом у напрамку неба, якое ёсць вашай мэтай. Я іду за вамі на гэтым шляху святасці і тулю ўсіх вас ў сваім Беззаганным Сэрцы. Дзякуй, што адгукнуліся на мой заклік. "

"Дарагія дзеткі, я гляджу на вас і заклікаю: вярніцеся да Бога, бо Ён любоў, і з любові Ён паслаў мяне, каб я вяла вас на шляху навяртання. Пакіньце грэх і зло, выбярыце святасць, і радасць запануе, і вы станеце маімі працягнутымі рукамі ў гэтым загубленым свеце. Я хачу, каб вы былі малітвай і надзеяй для тых, хто не сустрэў Бога любові. Дзякуй, што адгукнуліся на мой заклік. "

"Дарагія дзеці! Маё сэрца радаснае, бо праз гэтыя гады я бачу вашу любоў і адкрытасць на мае заклікі. Сёння я звяртаюся да вас усіх: маліцеся са мной за мір і свабоду, бо шатан моцны і хоча праз сваю хітрасць адвесці як можна больш сэрцаў ад майго матчынага сэрца. Таму выбярыце Бога, каб было добра вам на зямлі, якую Бог вам даў. Дзякуй, што адгукнуліся на мой заклік. "

"Дарагія дзеці! У гэты неспакойны час, калі д'ябал збірае жніво душ, каб прыцягнуць іх да сябе, я заклікаю вас да трывалай малітвы, каб вы ў малітве адкрылі Бога любові і надзеі. Дзеці, вазьміце крыж у рукі. Няхай ён вас заахвочвае, бо любоў заўсёды перамагае, асабліва цяпер калі адхіленыя крыж і вера. Вы павінны быць адлюстраваннем і прыкладам у сваім жыцці, што вера і надзея ўсё яшчэ жывыя і новы свет супакою магчымы. Я з вамі і хадайнічаю за вас перад маім Сынам Ісусам. Дзякуй, што адгукнуліся на мой заклік. "

"Дарагія дзеці! Дзеткі, з радасцю звяртаюся да ўсіх вас, хто адгукнуўся на мой заклік, будзьце радасцю і супакоем. Сваім жыццём давайце сведчанне нябёсаў, якое вам нясу. Прыйшоў час, дзеткі, каб вы сталі адлюстраваннем маёй любові да ўсіх тых, хто не любіць і чыё сэрца напоўнена нянавісцю. Не забывайце: Я з вамі і хадайнічаю за вас усіх перад маім сынам Езусам, каб Ён даў вам свой спакой. Дзякуй, што адказалі на мой заклік. "

"Дарагія дзеці! Маліцеся, сведчыце і радуйцеся са мной, бо Найвышэйшы працягвае пасылаць мяне каб весці вас па шляху святасці. Ведайце, дзеткі, што жыццё кароткае і што вас чакае вечнасць, каб з усімі святымі праслаўляць Бога сваім існаваннем. Не хвалюйцеся, дзеткі, пра зямныя рэчы, але прагніце неба. Вашай мэтай будзе рай, а ў сэрцы будзе панаваць радасць. Я з вамі і дабраслаўляю ўсіх вас мацярынскім благаслаўленнем. Дзякуй, што адгукнуліся на мой заклік. "

"Дарагія дзеці! Вярніцеся да малітвы, бо той, хто моліцца, не баіцца будучыні. Той, хто моліцца, адкрыты на жыццё і паважае жыццё іншых. Хто моліцца, дзеткі, той адчувае свабоду дзяцей Божых і з радасным сэрцам служыць дабру свайму брату-чалавеку. Бо Бог ёсць любоў і свабода. Таму, дзеткі, калі хочуць пасадзіць вас у кайданы і выкарастаць вас, гэта не ад Бога, бо Бог ёсць любоў і кожнаму стварэнню дае свой супакой. Таму Ён паслаў мяне, каб дапамагчы вам узрастаць на шляху святасці. Дзякуй, што адгукнуліся на мой заклік. "

"Дарагія дзеткі! Я з вамі ў гэты час міласэрнасці і запрашаю вас усіх быць носьбітамі міру і любові ў гэтым свеце, дзе, дзеткі, Бог праз мяне запрашае вас быць малітвай і любоўю, і выразам раю тут на зямлі. Няхай вашы сэрцы будуць напоўнены радасцю і верай у Бога, каб мець, дзеткі, поўны давер да Яго святой волі. Таму я з вамі, бо Ён, Усявышні, пасылае мяне да вас, каб натхніць вас на надзею, і вы станеце міратворцамі ў гэтым неспакойным свеце. Дзякуй, што адгукнуліся на мой заклік. "

"Дарагія дзеці! Сёння я прыношу вам майго Сына Езуса, каб адарыў вас Сваім супакоем. Дзеці, без міра ў вас няма ні будучыні, ні благаслаўлення, таму вяртайцеся да малітвы, таму што плёнам малітвы з'яўляюцца радасць і вера, без якіх вы не можаце жыць. Сённяшняе благаслаўленне мы даем вам, каб вы неслі яго ў вашыя сем'і і ўзбагачалі ўсіх, каго вы сустракаеце, каб адчуць ласку, якую вы атрымліваеце. Дзякуй, што адгукнуліся на мой заклік. "

"Дзеткі! Сёння я запрашаю вас вярнуцца да асабістай малітвы. Дзеткі, не забывайце, што сатана моцны і хоча прыцягнуць да сябе як мага больш душ. Таму будзьце ўважлівыя ў малітве і засяроджаныя на добрым. Я з вамі і дабраслаўляю ўсіх вас сваім мацярынскім благаслаўленнем. Дзякуй, што адгукнуліся на мой заклік. "

"Дарагія дзеці! Я з вамі і мы молімся разам. Дапамажыце мне, дзеткі, молячыся, каб сатана не перамог. Яго сіла смерці, нянавісці і страху надышла на Зямлю. Таму, дзеткі, вяртайцеся да Бога і малітвы, посту і адрачэння за ўсіх, хто растаптаны, бедны і не мае голасу ў гэтым свеце без Бога. Дзеці, калі вы не вернецеся да Бога і Яго запаведзяў, то ў вас няма будучыні. Вось чаму паслаў мяне, каб весці вас. Дзякуй, што адказалі на мой заклік. "

"Дарагія дзеці! Я чую вашы енкі і малітвы аб міры. Сатана змагаецца на працягу многіх гадоў за вайну. Таму Бог паслаў мяне да вас, каб весці вас шляхам святасці, бо чалавецтва знаходзіцца на раздарожжы. Я запрашаю вас вярнуцца да Бога і Божых запаведзяў, каб было добра вам на зямлі і вы выйшлі з гэтага крызісу, у які вы трапілі, таму што вы не слухаеце Бога, які любіць вас і хоча выратаваць вас і прывесці да новага жыцця. Дзякуй, што адгукнуліся на мой заклік. "

"Дарагія дзеці! Я гляджу на вас і бачу, што вы загубленыя. Таму заклікаю ўсіх вас: вяртайцеся да Бога, вяртайцеся да малітвы, і Дух Святы напоўніць вас сваёй любоўю, якая дае радасць сэрцу. Надзея будзе расці ў вас і ў лепшай будучыні, і вы станеце радаснымі сведкамі Божай міласэрнасці ў вас і вакол вас. Дзякуй за тое, што адгукнуліся на мой заклік. "