Our Lady of Medjugorje Messages containing 'мяне'

Total found: 21
"Дарагія дзеці! Згодна з воляй майго Сына і праз маю матчыну міласць прыходжу да вас, маіх дзяцей, а асабліва да тых, якія яшчэ не пазналі міласці майго Сына. Прыходжу да вас, якія думаеце пра Мяне, якія да Мяне звяртаецеся. Даю вам маю матчыну любоў і нясу благаславенне свайго Сына. Ці маеце чыстые і адкрытые сэрцы? Ці бачыце дары, знакі маёй прысутнасці і міласці? Дзеці мае, у сваім зямным жыцці ідзіце па маім прыкладзе. Маё жыццё было болем, маўчаннем і невымернай верай і даверам Айцу Нябеснаму. Нічога не бывае выпадковым– ні боль, ні радасць, ні цярпенне, ні міласць. Усё гэта ласкі, якія дае вам мой Сын і якія вядуць вас да жыцця вечнага. Мой Сын чакае ад вас любові і малітвы да Яго. Любіць і маліцца да Яго азначае– буду вас павучаць як Маці– маліцца ў цішы сваёй душы, а не толькі прамаўляць вуснамі. Гэта азначае нават найменшы прыгожы ўчынак рабіць у імя майго Сына; імі з'яўляюцца цярплівасць, міласэрнасць, прыняцце болю і афяра ўчыненая на карысць іншых. Дзеці мае, мой Сын глядзіць на вас. Маліціся, каб і вы бачылі Яго аблічча i каб мог вам аб'явіцца. Дзеці мае, указваю вам адзіную і сапраўдную праўду. Маліціся, каб вы зразумелі гэта і былі ў стане распаўсюджваць любоў і надзею, каб маглі быць апосталамі маёй міласці. А асабліва маё матчына сэрца мілуе пастыраў. Маліціся за іх блаславёныя рукі. Дзякую вам. "
"Дарагія дзеці, вы, якія імкнецеся кожны дзень свайго жыцця ахвяраваць майму Сыну, вы, якія спрабуеце жыць з ім, вы, хто моліцца і ахвяруецца, вы ёсць надзеяй гэтага свету. Вы з'яўляецеся промнямі святла майго Сына - жывым Евангеллем, маімі умілаванымі апосталамі майго кахання. Мой Сын з вамі. Ён з тымі, хто думае пра яго, хто маліцца, але таксама ён цярпліва чакае тых, хто Яго не ведае. Таму, вы, апосталы маёй любові, маліцеся сэрцам, і праз учынкі выказвайце любоў майго Сына. Гэта адзіная надзея для вас, і гэта адзіны шлях да вечнага жыцця. Я, як Маці, тут з вамі. Вашыя малітвы скіраваныя да мяне, з'яўляюцца самымі найпрыгажэйшымі ружамі любові да мяне. Не магу не быць дзе адчуваецца пах руж. Майце надзею і дзякуй вам. "
"Дарагія дзеці, з матчынай любоўю прыходжу да вас, каб дапамагчы вам расці ў любові, што азначае расці ў веры.Прыходжу, каб дапамагчы вам перажываць з любоўю словы майго Сына, каб свет стаў іншым. Дзеля таго, апосталы маёй міласці, збіраю вас вакол сябе. Паглядзіце на мяне сэрцам, гаварыце са мной як з маці пра свае болі і цярпенні, пра свае радасці. Прасіце каб маліла за вас майго Сына. Мой Сын ласкавы і справедлівы. Маё матчына сэрца жадае, каб і вы былі такімі. Маё матчына сэрца жадае каб вы, апосталы маёй міласці, сваім жыццём гаварылі пра майго сына і мяне, каб свет стаў іншым, звярнуўся да прастаты і чысціні, звярнуўся да веры і надзеі. Таму маліцеся, маліцеся, маліцеся сэрцамі, маліціся з любоўю, маліціся праз добрыя ўчынкі. Маліцеся, каб ўсе спазналі майго Сына, каб змяніўся свет, каб свет выратаваўся. Перажывайце з любоўю словы майго Сына. Не асуджайце, але любіце адзін аднаго, каб маё сэрца магло перамагчы. Дзякуй вам. "
"Дарагія дзеці, Апосталы маёй любові, ваша задача складаецца ў тым, каб пашырыць любоў майго Сына да ўсіх тых, хто яе не спазнаў. Вы – малюсенькія агеньчыкі света, якія я мацярынскай любоўю навучаю свяціць ясна поўным святлом. Малітва дапаможа вам, таму што малітва вас выратуе, малітва выратуе свет. Таму, дзеці мае, маліцеся з дапамогай слоў, пачуццяў, міласэрнай любові і ахвярнасці. Мой Сын паказаў вам дарогу. Ён, Той хто стаў чалавекам і зрабіў мяне першым келіхам. Ён вам праз сваю ўзнёслую ахвяру паказаў, як належыць любіць. Таму, дзеці мае, не бойцеся гаварыць праўду. Не бойцеся змяніць сябе і свет – любіце, рабіце майго Сына вядомым і любімым, любіце іншых у Ім. Я як маці заўсёды з вамі. Прашу майго Сына, каб дапамагаў вам, каб у вашым жыцці панавала любоў – любоў, якая жыве, любоў, якая прыцягвае, любоў, якая дае жыццё. Такой любові вас вучу – чыстай любові. Гэта ваша заданне, мае апосталы, каб распазналі гэтую любоў, жылі ёю і распаўсюджвалі яе. Маліцеся з любоўю за сваіх пастухоў, каб яны з міласцю маглі сведчыць пра майго Сына. Дзякую вам. "
"Дарагія дзеці, я дзякую вам, што вы адказалі на мой заклік і сабраліся тут вакол мяне, вашай Нябеснай Маці. Я ведаю, што вы думаеце пра мяне з любоўю і надзеяй. Я таксама люблю вас усіх, як і мой Наймілейшы Сын, які ў сваёй міласэрнай любові зноў і зноў пасылае мяне да вас. Ён, які быў чалавекам, які быў і ёсць Богам у Святой Тройцы Адзіны, Ён, які пакутваў за вас целам і душой, Ён, які стаў хлебам каб накарміць вашыя душы дзеля вашага выратавання. Мае дзеці, я навучу вас, як стаць годнымі Яго любові, як свае думкі кіраваць да Яго і жыць маім Сынам. Апосталы маёй любові, я укрываю вас маім плашчом, таму што, як маці, я хачу абараніць вас. Я прашу вас маліцца за ўвесь свет. Маё сэрца пакутуе. Грахі памнажаюцца, і іх ёсць занадта шмат, але з дапамогай вас, тых хто пакорны, сціплы і напоўнены любоўю, укрыты ад свету, маё Сэрца пераможа. Любіце майго Сына больш за ўсё, і ўвесь свет праз Яго. Ніколі не забывайце, што кожны ваш брат носіць у сабе нешта вельмі каштоўнае - душу. Таму, мае дзеці, любіце ўсіх, хто не ведае майго Сына, каб і яны праз малітву і міласць, якая паходзіць ад малітвы, сталі лепшымі, каб дабрыня ў іх перамагла, і іх душы былі выратаваныя і мелі вечнае жыццё. Мае апосталы, мае дзеці, мой Сын сказаў каб любілі адзін аднаго. Хай гэта будзе напісана ў вашых сэрцах, і з малітвай, імкніціся жыць гэтай любоўю. Дзякуй вам. "
"Дарагія дзеці, гледзячы на вас усіх, што сабраліся вакол мяне, сваёй Маці, бачу вельмі шмат чыстых душ, шукаючых міласці і суцяшэння, якіх ніхто ім не дае. Я таксама бачу тых, хто робіць зло, таму што не маюць добрых прыкладаў. Не ведаюць майго Сына. Тое дабро, якое маўклівае, распаўсюджваецца праз чыстыя душы і з'яўляецца сілай, якая падтрымлівае гэты свет. Ёсць шмат грахоў, але ёсць таксама міласць. Мой Сын пасылае вам мяне, Маму, тую самую для ўсіх вас, каб навучыла вас любіць, каб зразумелі, што вы браты. Прагну вам дапамагчы. Апосталы маёй міласці, даволі жывога прагнення веры і любові, а мой Сын яго прыме, але вы павінны быць годнымі, мець добрую волю і адкрытае сэрца. Мой Сын уваходзіць у адкрытыя сэрцы. Я, як Маці, жадаю, каб вы як мага лепш пазналі майго Сына, Бога з Бога народжанага, каб пазналі веліч яго любові, якой так моцна патрабуеце. Ён узяў на сябе грахі вашыя, атрымаў для вас збаўленне, а наўзамен просіць вас любіць адзін аднаго. Мой Сын ёсць любоў. Ён, не выбіраючы, любіць усіх людзей з усіх краёў і народаў. Калі б, дзеці мае, жылі любоў майго Сына, Яго Валадарства было б ўжо на зямлі. Таму, апосталы маёй любові, маліцеся. Маліцеся каб мой Сын і Яго міласць былі бліжэй да вас, каб сталі прыкладам любові і дапамаглі ўсім тым, хто не ведае майго Сына. Ніколі не забывайце, што мой Сын, у Святой Тройцы адзіны, любіць вас. Любіце свае пастыраў, і маліцеся за іх. Дзякуй. "
"Дарагія дзеткі! У гэты час ласкі заклікаю вас да малітвы. Маліціся і шукайце супакой, дзеткі. Той, які прыйшоў на гэтую зямлю каб вам даць супакой, не гледзячы хто кім з'яўляецца, Ён- мой Сын і ваш брат, праз мяне заклікае вас да навяртання, бо без Бога няма для вас ні будучыні, ні жыцця вечнага. Таму верце, маліцеся, і жывіце ў ласке чакання вашага асабістага спаткання з Ім. Дзякуй вам, што адказалі на мой заклік. "
"Дарагія дзеці, калі на зямлі не хапае любові, калі не можаце знайсці шлях выратавання, я, Маці, прыходжу, каб дапамагчы вам знайсці сапраўдную веру, жывую і глыбокую, каб дапамагчы вам па-сапраўднаму любіць. Як маці, я сумую па вашай ўзаемнай любові, дабрыні і чысціні. Маё прагненне ў тым, каб вы были праведны і любілі . Мае дзеці, радуйцеся ў духу, будзьце чыстымі, будзьце дзецьмі. Мой Сын сказаў, што любіць заставацца сярод чыстых сэрцаў, таму што чыстыя сэрцы заўсёды маладыя і вясёлыя. Мой Сын наказаў вам, каб узаемна прабачалі і любілі адзін аднаго. Ведаю, што гэта не заўсёды лёгка. Пакута прымушае расці ў духу, каб маглі яшчэ больш узрастаць духоўна, мусіце шчыра і па-сапраўднаму дараваць і любіць.Шмат маіх дзяцей на зямлі не ведаюць Майго Сына. Не любяць Яго, але вы, хто любіць Майго Сына, хто носіць Яго ў сваім сэрцы, маліцеся, маліцеся, а молячыся адчувайце Майго Сына у сабе. Няхай ваша душа дыхае Яго подыхам. Я сярод вас, і кажу аб вялікіх і малых справах. Я не стамлюся гаварыць вам пра Майго Сына, сапраўднай любові. Таму, мае дзеці, адкрыйце свае сэрцы для мяне. Дазволь мне па-мацярынску суправаджаць. Будзьце апосталамі любові Майго Сына і маімі апосталамі. Як маці, я малю вас не забываць пра тых, каго Мой Сын паклікаў каб суправаджалі вас! Дзякуй. "
"Дарагія дзеці! У гэты трывожны час я заклікаю вас, каб мелі большы давер да Бога, Айца вашага Нябеснага, які паслаў мяне, каб прывесці вас да Яго. Адкрыйце свае сэрцы на дары якія Ён хоча даць вам і ў цішыні сэрца пакланяйцеся майму Сыну, Ісусу, Які аддаў Сваё жыццё, каб вы жылі ў вечнасці, да якой хоча вас весці. Няхай вашай надзеяй будзе радасць спаткання з Найвышэйшым у жыцці штодзённым. Таму я заклікаю вас: не пагарджайце малітвай, таму што малітва творыць цуды. Дзякуй вам, што адказалі на мой заклік. "
"Дарагія дзеці! Заклікаю вас шчырымі сэрцамі прымаць Мае словы, якія Я кажу вам як Маці, каб вы ішлі шляхам дасканалага святла, чысціні, адзінай любові Майго Сына, чалавека і Бога. І радасць, святло, невыказаныя чалавечымі словамі, атуляць вашу душу! Вас ахопяць мір і любоў Майго Сына. Гэтага я жадаю ўсім маім дзецям. Таму вы, апосталы Маёй любові, вы, якія ўмеюць любіць і дараваць, вы, хто не судзіць, вы, каго я заклікаю быць прыкладам для тых, хто не ідзе па шляху святла і любові ці звярнуў з яго. Жыццём сваім пакажыце ім ісціну. Пакажыце ім любоў, бо любоў пераадольвае ўсе цяжкасці, а ўсе Мае дзеці прагнуць любові. Вашае адзінства ў любові - дар для Майго Сына і Мяне. Але, дзеці Мае, запомніце: любіць азначае і жадаць дабра свайму бліжняму, і жадаць навяртання для душы бліжняга. Калі Я гляджу на вас, што сабраліся ля Мяне, маё сэрца сумнае, таму што Я бачу так мала братэрскай любові, міласэрнай любові. Дзеці Мае, Эўхарыстыя, Мой жывы Сын - пасярод вас. Яго словы дапамогуць вам зразумець, бо Яго слова - жыццё, Яго слова спрыяе дыханню душы, Яго слова спрыяе пазнанню любові. Дарагія дзеці, Я зноў прашу вас як Маці, Якая жадае дабра сваім дзецям: любіце сваіх пастыраў, маліцеся за іх. Дзякуй вам! "
"Дарагія дзеці, я маці ўсіх вас, так што не бойцеся, таму што чую вашы малітвы, ведаю, што шукаеце мяне, і менавіта таму я малюся за вас да Майго Сына, Майго Сына, які адзіны з нябесным Айцом і Духам Святым Суцяшальнікам, суправаджаючы душы ў Каралеўства , адкуль прыйшло Каралеўства свету і святла. Мае дзеці, свабода была дадзена вам, каб вы зрабілі выбар, але як маці я прашу вас выбраць свабоду рабіць дабро. Вы, з чыстымі і простымі душамі, зразумееце - нават калі часам не разумееце слоў - і адчуеце, што ёсць праўда.

Мае дзеці, не парушайце ісціны і сапраўднага жыцця, пераймаючы фальш. Дзякуючы сапраўднаму жыццю Каралеўства Нябеснае ўваходзіць у вашыя сэрцы, і гэта Каралеўства Супакоя, Любові і Гармоніі. Тады, мае дзеці, не будзе эгаізма, які аддаляе вас ад Майго Сына. Затое будзе міласць і разуменне блізкіх. Таму што, запомніце, зноў вам паўтараю, маліцца- таксама азначае любіць іншых [людзей], блізкіх і даваць ім сябе.

Любіце і давайце ў імя Майго Сына, тады ён будзе дзейнічаць у вас, для вас. Мае дзеці, ўвесь час думайце пра майго Сына, любіце яго бязмежна, і вы будзеце мець сапраўднае жыццё, якое застанецца на вечнасць. Дзякуй вам, апосталы маёй любові."
"Дарагія дзеці! Бог паклікаў мяне, каб я прывяла вас да Яго, бо Ён з'яўляецца вашай сілай. Таму я заклікаю вас маліцца Яму і давяраць Яму, бо Ён ваш прытулак ад ўсялякага зла што робіце, зло забірае душы далёка ад ласкі і радасці да якой ўсе пакліканыя. Дзеткі, жывіце як у раю тут на зямлі, каб было вам добра і хай Божыя запаведзі будуць святлом на вашай дарозе. Я з вамі і люблю ўсіх вас мацярынскай любоўю. Дзякуй за тое, што адказалі на мой заклік. "
"Дарагія дзеці, Я заклікаю вас быць смелымі і не стамляцца, таму што нават самае найменьшае дабро, самы маленькі знак любові перамагаюць зло, якое становіцца ўсё больш прыкметным. Мае дзеці, слухайце мяне, каб дабро перамагло, каб пазналі любоў майго Сына. Гэта самае вялікае шчасце- рукі майго Сына, што абдымаюць, Таго, хто любіць душы, Таго, хто даў Сябе за вас і заўсёды дае Сябе нанова ў Эўхарыстыі, Таго, хто мае слова вечнага жыцця. Пазнанне Яго любові і поступ за Ім па Яго слядах азначаюць атрыманне багацця духоўнага. Гэта багацце, якое дае добрае самаадчуванне і заўсёды пачуццё любові і дабра. Апосталы маёй любові, мае дзеці, вы будзьце як прамяні сонца, якія цяплынёй любові Майго Сына саграваюць усіх вакол сябе. Мае дзеці, свет мае патрэбу ў апосталах любові; свету патрэбна вялікая колькасць малітвы, але малітвы прамоўленай з сэрца і душы, а не толькі вымаўленай вуснамі. Мае дзеці, імкніцеся да святасці ў пакоры. З пакорай, якая дазваляе майму Сыну, каб праз вас рабіць тое, што Ён жадае. Мае дзеці, вашы малітвы, вашы словы, думкі і дзеянні- ўсё гэта альбо адкрывае, альбо закрывае дзверы ў Царства Нябеснае для вас. Мой Сын паказаў вам шлях і даў вам надзею, а я вас суцяшаю і дадаю адвагі. Калі, дзеці мае, я пазнала, што такое боль, я мела веру і надзею, а цяпер маю узнагарода жывучы ў Каралеўстве майго Сына . Таму паслухайце мяне, не стамляйцеся. Дзякую вам. "
"Дарагія дзеці! Калі прыходзіце да мяне як да маці, з чыстымі і адкрытымі сэрцамі, ведайце, што я вас слухаю, дадаю вам адвагі, суцяшаю вас і найперш за ўсё- заступаюся за вас перад маім Сынам. Ведаю, што хочаце мець моцную веру і выказваць яе правільным чынам. Гэта тое, што мой Сын чакае ад вас, то шчырая, моцная і глыбокая вера, тады кожны спосаб, у якім вы выказваеце веру з'яўляецца правільным.

Вера прыгожая таямніца, якая захоўваецца ў сэрцы. Яна існуе паміж Нябесным Айцом і ўсімі яго дзецьмі, яе можна спазнаць па плёну і міласці, якую маеце да ўсіх Божых стварэнняў. Апосталы маёй любові, мае дзеці, даверціся майму Сыну. Дапамажыце ўсім маім дзецям спазнаць Яго любоў. Вы- мая надзея, вы, хто стараецца шчыра любіць майго Сына.

У імя міласці, для вашага выратаваньня, згодна волі Айца Нябеснага і дзякуючы майму Сыну і я тут сярод вас. Апосталы маёй міласці, няхай разам з малітвай і ахвярай вашыя сэрцы будуць асвенчаны любоўю і святлом майго Сына. Хай гэтае святло і любоў азарае ўсіх, каго вы сустракаеце і навяртае іх да майго Сыну. Я з вамі. Асаблівым чынам я з вашымі пастырамі. Матчынай міласцю асвячаю іх і заахвочваю, каб рукамі, паблагаслаўленымі маім Сынам, благаславілі ўвесь свет. Дзякую вам. "
"Дарагія дзеці, на жаль, сярод вас, маіх дзяцей, шмат барацьбы, нянавісці, карысьлівасьці, эгаізму. Мае дзеці, як лёгка забываеце майго Сына, Яго словы, Яго любоў. Вера сгасае ў многіх душах,а сэрцы апантаныя матэрыяльнымі справамі гэтага свету. Тым не менш, маё матчына сэрца ведае, што ёсць тыя, хто верыць і любіць, хто хоча як мага больш наблізіцца да майго Сына, хто нястомна шукае майго Сына - таму шукае і мяне. Гэта пакорлівыя і лагодныя, хваробы і пакуты трываць моўчкі, спадзяюцца, але перш за ўсё маюць веру. Гэта апосталы маёй любові.

Мае дзеці, апосталы маёй любові, я вучу вас, што мой Сын не патрабуе пастаянных малітваў, але ўчынкаў і пачуццяў, веры і малітвы, каб праз асабістую малітву ўзрасталі ў веры, ўзрасталі ў любові. Ён хоча, каб вы любілі адзін аднаго, таму што гэта шлях да вечнага жыцця. Мае дзеці, не забывайце, што гэта мой Сын прынёс святло на гэтую зямлю, і прынёс яго тым, хто хацеў Яго бачыць і прыняць. Вы будзеце такімі, калі гэта будзе святло ісціны, міру і любові. Я як матуля правяду вас да сузірання майго Сына, да любові Яго са мной, каб вашы думкі, словы і ўчынкі былі накіраваны да Яго і ў Яго імя. Тады споўніцца жаданне майго сэрца. Дзякую вам. "
"Дарагія дзеці, аб'яўленні гэта вынік любові і дабрыні Айца Нябеснага, яны павялічваюць веру якая тлумачыць, прыносіць супакой, упэўненасць і надзею. Так і я, мае дзеці, з міласэрнай любові Айца Нябеснага, заўсёды ад пачатку паказваю вам шлях да Майго Сына, да вечнага выратавання. Аднак, на жаль, многія з маіх дзяцей не жадаюць слухаць мяне, шмат маіх дзяцей маюць сумненні. Таму я, я заўсёды своечасова і пазачасова, я праслаўляю Бога за ўсе, што Ён зрабіў ува мне і праз мяне. Мой Сын аддаецца вам, ламае з вамі хлеб, наказвае вам словы вечнага жыцця, каб вы неслі іх усім. А вы, мае дзеці, апосталы маёй любові, чаго вы баіцеся, калі Мой Сын з вамі? Пакажыце Яму вашы душы, каб ён мог заставацца і зрабіць з іх сведкаў, сведкаў веры і міласці.

Мае дзеці жывуць Евангеллем, выказваюць міласэрную любоў да бліжняга, але перш за ўсё любоў да Нябеснага Айца. Мае дзеці, вы не выпадкова злучаны. Нябесны Айцец нікога не злучае выпадкова. Мой Сын прамаўляе да тваёй душы. Я прамаўляю да вас сэрцам. Як маці кажу вам, ідзіце за мной, любіце адзін аднаго, будзьце прыкладам. Не бойцеся сваім прыкладам бараніць ісціну Слова Божага, якое вечнае і ніколі не змяняецца. Мае дзеці, хто дзейнічае у святле лювові міласэрднай і праўды, таго падтрымліваюць нябёсы і ён не адзін. Апосталы маёй любові, хай іншыя пазнаюць вас заўсёды па лагоднасьці, любові і спакою. Я з вамі. Дзякую вам. "
"Дарагія дзеці! У гэты трывожны час я заклікаю вас, каб мелі большы давер да Бога, Айца вашага Нябеснага, які паслаў мяне, каб прывесці вас да Яго. Адкрыйце свае сэрцы на дары якія Ён хоча даць вам і ў цішыні сэрца пакланяйцеся майму Сыну, Ісусу, Які аддаў Сваё жыццё, каб вы жылі ў вечнасці, да якой хоча вас весці. Няхай вашай надзеяй будзе радасць спаткання з Найвышэйшым у жыцці штодзённым. Таму я заклікаю вас: не пагарджайце малітвай, таму што малітва творыць цуды. Дзякуй вам, што адказалі на мой заклік. "
"Дарагія дзеці! Толькі чыстае і адкрытае сэрца дазволіць вам сапраўды спазнаць майго Сына, каб i тыя, хто не ведае Яго любові, пазналі яе праз вас. Толькі любоў дапаможа вам зразумець, што яна мацней, чым смерць, таму што сапраўдная любоў пераадолела смерць і зрабіла так, што смерць не існуе.

Мае дзеці, прабачэнне - гэта найвышэйшая форма любові. Вы, як апосталы маёй любові, павінны маліцца, каб вы былі моцнымі ў духу і маглі зразумець і дараваць. Вы, апосталы маёй любові, разуменнем і прабачэннем даяце прыклад любові і міласэрнасці. Уменне зразумець і дараваць - гэта дар, аб якім неабходна маліцца і захаваць яго.

Прабачэннем вы паказваеце, што умееце любіць. Паглядзіце толькі, дзеці мае, як Нябесны Айцец любіць вас з вялікай любоўю, разуменнем, прабачэннем і справядлівасцю. Як дае вам мяне- Маці вашых сэрцаў. І вось я сярод вас, каб дабраславіць вас матчыным дабраславеньнем, запрасіць вас да малітвы, посту, сказаць вам, каб вы верылі, спадзяваліся, прабачалі, маліліся за пастыраў, і перш за ўсё- бязмежна любілі.

Мае дзеці, ідзіце за мной. Мой шлях - гэта шлях міра і любові, шлях майго Сына. Гэта шлях, які вядзе да трыумфу майго сэрца. Дзякуй вам. "
"Дарагія дзеці! Маліцеся! Кожны дзень маліцеся на ружанцу- гэта вянок руж, які звязвае мяне як маці непасрэдна з вашым болем, пакутамі, жаданнямі і надзеямі. Апосталы маёй любові, я з вамі дзякуючы ласцы і любові майго Сына і прашу ў вас малітвы. Свет вельмі моцна мае патрэбу ў вашых малітвах, каб душы маглі навярнуцца. Адкрыйце свае сэрцы з поўным даверам майму Сыну, і Ён напіша ў іх кароткае апісанне свайго слова - гэта Любоў. Жывіце ў бесперапыннай сувязі с Найсвяцейшым Сэрцам майго Сына. Дзеці мае, як Маці, кажу вам, што прыйшоў час стаць на калені перад маім Сынам, прызнацца, што Ён Бог ваш - цэнтр вашага жыцця. Прынясіце яму падарункі, якія Ён любіць больш за ўсё, гэта значыць любоў да бліжняга, міласэрнасць і чыстае сэрца. Апосталы маёй любові, многія з маіх дзяцей яшчэ не прызнаюць майго Сына сваім Богам, тыя, хто яшчэ не зведаў Яго любові. Аднак вы, малітвамі, будзеце размаўляць з чыстым і адкрытым сэрцам, з дарамі, якія вы прыносіце майму Сыну, што адкрыюцца нават самыя жорсткія сэрцы. Апосталы маёй любові, сіла магутнай малітвы сэрца, поўнай любові - перамяняе свет. Таму дзеці мае, маліцеся, маліцеся, маліцеся. Я з вамі. Дзякую вам. "
"Дарагія дзеці, я ведаю, што прысутнічаю ў вашым жыцці і ў вашых сэрцах. Я адчуваю вашу любоў, чую вашы малітвы і накіроўваю іх да майго Сына. Але, дзеці, згодна з мацярынскай любоўю я хачу быць ў жыцці ўсіх маіх дзяцей. Я хачу сабраць усіх маіх дзяцей вакол мяне, пад мацярынскім покрывам. Таму я запрашаю і заклікаю апосталаў маёй любові дапамагчы мне.

Дзеці, мой Сын сказаў словы "Ойча наш", Ойча наш які ёсць усюды, нават у нашых сэрцах, Ён хоча навучыць вас маліцца словамі і пачуццямі. Ён хоча, каб вы заўсёды былі лепшымі, жылі міласэрнай любоўю, якая ўяўляе сабой малітву і бязмежную ахвяру для іншых.

Дзеці мае, аддайце майму Сыну любоў да бліжняга, дайце словы суцяшэння, спагады і справядлівасці сваім бліжнім. Усё, што вы даяце іншым, апосталы маёй любові, мой Сын атрымлівае як падарунак Я таксама з вамі, таму што мой Сын хоча, каб мая любоў ажыўляла душы як промні святла; каб дапамагчы вам знайсці шчасце і душэўны супакой. Таму, дзеці мае, любіце адзін аднаго. Будзьце злучаныя Маім Сынам, дзецьмі Божымі, якія прамаўляюць поўным, адкрытым і чыстым сэрцам "Ойча наш". І не бойцеся! Дзякуй! "
   




To compare Medjugorje messages with another language versions choose
1 2 Next>>

For God to live in your hearts, you must love.

`