Our Lady of Medjugorje Messages containing 'маё'

"Дарагія дзеці! Згодна з воляй майго Сына і праз маю матчыну міласць прыходжу да вас, маіх дзяцей, а асабліва да тых, якія яшчэ не пазналі міласці майго Сына. Прыходжу да вас, якія думаеце пра Мяне, якія да Мяне звяртаецеся. Даю вам маю матчыну любоў і нясу благаславенне свайго Сына. Ці маеце чыстые і адкрытые сэрцы? Ці бачыце дары, знакі маёй прысутнасці і міласці? Дзеці мае, у сваім зямным жыцці ідзіце па маім прыкладзе. Маё жыццё было болем, маўчаннем і невымернай верай і даверам Айцу Нябеснаму. Нічога не бывае выпадковым– ні боль, ні радасць, ні цярпенне, ні міласць. Усё гэта ласкі, якія дае вам мой Сын і якія вядуць вас да жыцця вечнага. Мой Сын чакае ад вас любові і малітвы да Яго. Любіць і маліцца да Яго азначае– буду вас павучаць як Маці– маліцца ў цішы сваёй душы, а не толькі прамаўляць вуснамі. Гэта азначае нават найменшы прыгожы ўчынак рабіць у імя майго Сына; імі з'яўляюцца цярплівасць, міласэрнасць, прыняцце болю і афяра ўчыненая на карысць іншых. Дзеці мае, мой Сын глядзіць на вас. Маліціся, каб і вы бачылі Яго аблічча i каб мог вам аб'явіцца. Дзеці мае, указваю вам адзіную і сапраўдную праўду. Маліціся, каб вы зразумелі гэта і былі ў стане распаўсюджваць любоў і надзею, каб маглі быць апосталамі маёй міласці. А асабліва маё матчына сэрца мілуе пастыраў. Маліціся за іх блаславёныя рукі. Дзякую вам. "

"Дарагія дзеці, прыходзіць да вас i з'яўляцца вам - гэта велізарная радасць для майго матчынага сэрца. Гэта дар Майго Сына для вас і для ўсіх, хто прыходзіць сюды. Як Маці, заклікаю вас: любіце Майго Сына вышэй за ўсё. Каб любіць Яго ўсім сэрцам, вам неабходна Яго спазнаць. Вы спазнаеце Яго праз малітву. Маліцеся сэрцам і пачуццямі. Маліцца - азначае думаць пра Яго любоў і ахвяры. Маліцца, значыць любіць, аддаваць, пакутаваць і ахвяраваць. Заклікаю вас, дзеці Мае, быць апосталамі малітвы і любові. Дзеці Мае, гэты час няспання. У гэтай бадзёрасці Я заклікаю вас да малітвы, любові і даверу. Маё Матчына Сэрца хоча, каб Мой Сын, гледзячы ў вашыя сэрцы, бачыў у іх самаахвярны давер і любоў. З'яднаная любоў Маіх апосталаў будзе жыць, перамагаць і выкрываць зло. Дзеці Мае, Я была чарай Богачалавека, была Божай прыладай. Таму вас, Маіх апосталаў, Я заклікаю: будзьце праўдзівай, чыстай чарай любові Майго Сына. Заклікаю вас: будзьце прыладай, праз якое ўсе, хто не спазнаў Божай любові - хто ніколі не любіў - зразумеюць, прымуць яе, і ўратуюцца. Дзякуй вам, дзеці Мае. "

"Дарагія дзеці, маё матчына сэрца плача, гледзячы на тое, што мае дзеці робяць. Грахі памнажаюцца. Чысціня сэрца ўсё менш і менш важнае. Вы забыліся пра майго Сына, ўсё менш шануеце Яго, і мае дзеці пераследуюцца. Таму, вы, дзеці мае, апосталы майго кахання, сэрцам і душой заклікайце імя майго Сына. Ён будзе мець словы святла для вас. Ён яўляе Сябе вам, Ён ламае хлеб з вамі, дае вам словы міласці, каб вы пераўтварылі іх у справы міласэрнасці і сталі сведкамі праўды. Таму дзеці мае, не бойцеся. Дазвольце майму Сыну, каб Ён вамі паслужыў для выхоўвання і пераўтварэння параненых і загубленых душ. Дзеці мае, вярніціся да малітвы ружанцовай. Маліціся на ружанцы у духу самаахвярнасці і міласэрнасці. Маліцеся не толькі на словах, але і справамі міласэрнасці. Маліцеся за любоў да ўсіх людзей. Мой Сын стаў ахвярай узнёслай любові. Таму жывіце з Ім, каб мелі сілу і надзею, каб мелі любоў, якая ёсць жыццё і якая вядзе да вечнага жыцця. Я таксама ёсць з вамі дзякуючы Божай любові, і буду весці вас з матчынай любоўю. Дзякую вам. "

"Дарагія дзеці, мой Сын быў крыніцай любові і святла, калі на зямлі прамаўляў да людзей усіх народаў. Мае апосталы, ідзіце за Ягоным святлом. Гэта не лёгка. Вы павінны стаць маленькімі. Вы павінны прынізіцца ў адносінах да іншых, і праз веру напоўніцца Яго любоўю. Ні адзін чалавек на зямлі без веры не можа перажыць цудоўнага здарэння. Я з вамі. Адкрываюся вам праз мой прыход, праз гэтыя словы і тым самым хачу засьведчыць маё каханне і мацярынскі клопат. Мае дзеці, не марнуйце час на задаванне пытанняў, на якія ніколі не атрымаеце адказ. У канцы вашага зямнога шляху вам дасць адказ Нябесны Айцец. Ведайце заўсёды, што Бог ведае ўсё, Бог усё бачыць, і Бог любіць. Мой наймілейшы Сын, асвятляе жыццё, рассейвае цемру, а мая матчына любоў, якую прыносіць мне, ёсць для вас не вытлумачальная, ёсць таямнічая, але сапраўдная. Я выказваю вам мае пачуцці, любоў, разуменне і матчыну дабрыню. Я чакаю ад вас, маіх апосталаў, руж вашых малітваў, якія павінны быць справамі любові. Гэта для майго матчынага сэрца наймілей малітвы. Прыношу іх да Майго Сына, які нарадзіўся для вас. Ён глядзіць на вас і слухае вас. Мы заўсёды побач з вамі, гэта ёсць любоў, што перажывае, аб'ядноўвае, змяняе, дадае адвагі і напаўняе, і таму апосталы мае, любіце адзін аднаго, але больш за ўсё любіце майго Сына. Гэта адзіная дарога да выратавання, да вечнага жыцця. Гэта мая самая прыемнае малітва, якая напаўняе маё сэрца найпрыгажэйшым водарам руж. Дзякуй вам. "

"Дарагія дзеці, з матчынай любоўю прыходжу да вас, каб дапамагчы вам расці ў любові, што азначае расці ў веры.Прыходжу, каб дапамагчы вам перажываць з любоўю словы майго Сына, каб свет стаў іншым. Дзеля таго, апосталы маёй міласці, збіраю вас вакол сябе. Паглядзіце на мяне сэрцам, гаварыце са мной як з маці пра свае болі і цярпенні, пра свае радасці. Прасіце каб маліла за вас майго Сына. Мой Сын ласкавы і справедлівы. Маё матчына сэрца жадае, каб і вы былі такімі. Маё матчына сэрца жадае каб вы, апосталы маёй міласці, сваім жыццём гаварылі пра майго сына і мяне, каб свет стаў іншым, звярнуўся да прастаты і чысціні, звярнуўся да веры і надзеі. Таму маліцеся, маліцеся, маліцеся сэрцамі, маліціся з любоўю, маліціся праз добрыя ўчынкі. Маліцеся, каб ўсе спазналі майго Сына, каб змяніўся свет, каб свет выратаваўся. Перажывайце з любоўю словы майго Сына. Не асуджайце, але любіце адзін аднаго, каб маё сэрца магло перамагчы. Дзякуй вам. "

"Дарагія дзеці, як і ў іншых месцах, дзе я прыходзіла да вас, так і тут, я заклікаю вас да малітвы. Маліцеся за тых, хто не ведае майго Сына, за тых, хто не спазналі любові Божай, што змагаецца з грахом, за кансэкраваных асоб, за тых, каго мой Сын паклікаў, каб мелі дух любові і сілы для вас і Касцёла. Маліцеся да майго Сына, і любоў якую праз Яго атрымаеце, дасць вам сілы і ўчыніць вас гатовымі рабіць справы міласэрнасці ў Яго імя. Дзеці мае, будзьце гатовыя. Цяпер час перамен, таму я зноў заклікаю вас да веры і надзеі. Я паказваю вам шлях, якім вы павінны ісці, і адкрываю гэтыя словы Евангелля. Апосталы маёй любові, свет надзвычай мае патрэбу вашых рук узнесеных да нябёсаў, да Майго Сыну, да Нябеснага Айца. Трэба шмат пакоры і чысціні сэрца. Давярайце майму Сыну і верце, што вы заўсёды можаце быць лепшымі. Маё матчыны сэрца жадае, каб вы, апосталы маёй міласці, былі маленькімі агеньчыкамі для сусвета, каб асвятліць тыя месцы, дзе жадае панаваць цемра, каб праз сваю малітву і любоў паказвалі просты шлях, выратоўвалі душы. Я з вамі. Дзякуй вам. "

"Дарагія дзеці! Сёння я хачу падзякаваць вам за вашу стойкасць і папросіць вас адкрыцца на глыбокую малітву. Дзеткі, малітва з'яўляецца сэрцам веры і надзеяй на вечнае жыццё. Таму, маліцеся сэрцам, аж пакуль вашае сэрца не заспявае з падзякай да Бога Творцы, які даў вам жыццё. Дзеткі, я з вамі, і я нясу вам маё матчына дабраслаўленне супакою. Дзякуй вам, што адказалі на мой заклік. "

"Дарагія дзеці, я дзякую вам, што вы адказалі на мой заклік і сабраліся тут вакол мяне, вашай Нябеснай Маці. Я ведаю, што вы думаеце пра мяне з любоўю і надзеяй. Я таксама люблю вас усіх, як і мой Наймілейшы Сын, які ў сваёй міласэрнай любові зноў і зноў пасылае мяне да вас. Ён, які быў чалавекам, які быў і ёсць Богам у Святой Тройцы Адзіны, Ён, які пакутваў за вас целам і душой, Ён, які стаў хлебам каб накарміць вашыя душы дзеля вашага выратавання. Мае дзеці, я навучу вас, як стаць годнымі Яго любові, як свае думкі кіраваць да Яго і жыць маім Сынам. Апосталы маёй любові, я укрываю вас маім плашчом, таму што, як маці, я хачу абараніць вас. Я прашу вас маліцца за ўвесь свет. Маё сэрца пакутуе. Грахі памнажаюцца, і іх ёсць занадта шмат, але з дапамогай вас, тых хто пакорны, сціплы і напоўнены любоўю, укрыты ад свету, маё Сэрца пераможа. Любіце майго Сына больш за ўсё, і ўвесь свет праз Яго. Ніколі не забывайце, што кожны ваш брат носіць у сабе нешта вельмі каштоўнае - душу. Таму, мае дзеці, любіце ўсіх, хто не ведае майго Сына, каб і яны праз малітву і міласць, якая паходзіць ад малітвы, сталі лепшымі, каб дабрыня ў іх перамагла, і іх душы былі выратаваныя і мелі вечнае жыццё. Мае апосталы, мае дзеці, мой Сын сказаў каб любілі адзін аднаго. Хай гэта будзе напісана ў вашых сэрцах, і з малітвай, імкніціся жыць гэтай любоўю. Дзякуй вам. "

"Дарагія дзеці, калі на зямлі не хапае любові, калі не можаце знайсці шлях выратавання, я, Маці, прыходжу, каб дапамагчы вам знайсці сапраўдную веру, жывую і глыбокую, каб дапамагчы вам па-сапраўднаму любіць. Як маці, я сумую па вашай ўзаемнай любові, дабрыні і чысціні. Маё прагненне ў тым, каб вы были праведны і любілі . Мае дзеці, радуйцеся ў духу, будзьце чыстымі, будзьце дзецьмі. Мой Сын сказаў, што любіць заставацца сярод чыстых сэрцаў, таму што чыстыя сэрцы заўсёды маладыя і вясёлыя. Мой Сын наказаў вам, каб узаемна прабачалі і любілі адзін аднаго. Ведаю, што гэта не заўсёды лёгка. Пакута прымушае расці ў духу, каб маглі яшчэ больш узрастаць духоўна, мусіце шчыра і па-сапраўднаму дараваць і любіць.Шмат маіх дзяцей на зямлі не ведаюць Майго Сына. Не любяць Яго, але вы, хто любіць Майго Сына, хто носіць Яго ў сваім сэрцы, маліцеся, маліцеся, а молячыся адчувайце Майго Сына у сабе. Няхай ваша душа дыхае Яго подыхам. Я сярод вас, і кажу аб вялікіх і малых справах. Я не стамлюся гаварыць вам пра Майго Сына, сапраўднай любові. Таму, мае дзеці, адкрыйце свае сэрцы для мяне. Дазволь мне па-мацярынску суправаджаць. Будзьце апосталамі любові Майго Сына і маімі апосталамі. Як маці, я малю вас не забываць пра тых, каго Мой Сын паклікаў каб суправаджалі вас! Дзякуй. "

"Дарагія дзеці! Заклікаю вас шчырымі сэрцамі прымаць Мае словы, якія Я кажу вам як Маці, каб вы ішлі шляхам дасканалага святла, чысціні, адзінай любові Майго Сына, чалавека і Бога. І радасць, святло, невыказаныя чалавечымі словамі, атуляць вашу душу! Вас ахопяць мір і любоў Майго Сына. Гэтага я жадаю ўсім маім дзецям. Таму вы, апосталы Маёй любові, вы, якія ўмеюць любіць і дараваць, вы, хто не судзіць, вы, каго я заклікаю быць прыкладам для тых, хто не ідзе па шляху святла і любові ці звярнуў з яго. Жыццём сваім пакажыце ім ісціну. Пакажыце ім любоў, бо любоў пераадольвае ўсе цяжкасці, а ўсе Мае дзеці прагнуць любові. Вашае адзінства ў любові - дар для Майго Сына і Мяне. Але, дзеці Мае, запомніце: любіць азначае і жадаць дабра свайму бліжняму, і жадаць навяртання для душы бліжняга. Калі Я гляджу на вас, што сабраліся ля Мяне, маё сэрца сумнае, таму што Я бачу так мала братэрскай любові, міласэрнай любові. Дзеці Мае, Эўхарыстыя, Мой жывы Сын - пасярод вас. Яго словы дапамогуць вам зразумець, бо Яго слова - жыццё, Яго слова спрыяе дыханню душы, Яго слова спрыяе пазнанню любові. Дарагія дзеці, Я зноў прашу вас як Маці, Якая жадае дабра сваім дзецям: любіце сваіх пастыраў, маліцеся за іх. Дзякуй вам! "

"Дарагія дзеці! Гэта той дзень, які даў мне Гасподзь, каб я дзякавала Яму за кожнага з вас, за ўсіх, хто пакаяўся і прыняў мае паведамленні, і пайшлі шляхам навяртання і святасці. Радуйцеся дзеткі, бо Бог міласэрны і любіць усіх вас бязмернай любоўю і вядзе вас шляхам выратавання праз маё аб'яўленне [у Меджугор'і]. Я люблю ўсіх вас і даю вам майго Сына, каб Ён даў вам супакой. Дзякуй за тое, што адказалі на мой заклік. "

"Дарагія дзеці, маё матчына сэрца палае, калі я гляджу на дзяцей, якія не любяць ісціну, якія яе хаваюць, калі я гляджу на сваіх дзяцей, якія не моляцца з любоўю і праз учынкі. Мне вельмі крыўдна, калі я кажу майму Сыну, што многія з маіх дзяцей страцілі веру, што не ведаюць Яго. Таму я заклікаю вас, апосталы маёй любові, імкнецеся глядзець у самую глыбіню чалавечых сэрцаў, і там вы напэўна знойдзеце маленькі схаваны скарб дабрыні. Погляд такім чынам змяшчае міласэрднасць Айца Нябеснага. Вы павінны шукаць добро нават там, дзе ёсць найвялікшае зло, спрабаваць зразумець іншага, а не асуджаць яго. Сапраўды гэтага чакае ад вас мой Сын, а я, як маці, заклікаю вас, каб паслухаліся Яго. Дарагія дзеткі, дух мацнейшы за цела, бо праз любоў і ўчынкі пераадольвае ўсе перашкоды. Не забывайце, што мой Сын палюбіў вас і любіць. Яго любоў у вас і з вамі, калі вы адзінасутны з Ім. Ён з'яўляецца святлом свету, нішто і ніхто не можа спыніць Яго канчатковую славу. Таму вы, апосталы маёй любові, не бойцеся сведчыць аб праўдзе. Абвяшчайце пра яе з захапленнем, праз учынкі, любоў, адданасць, але дзейнічайце заўсёды з пакорай. Дайце праўдзівае сведчанне ўсім хто не спазнаў майго Сына. Я буду з вамі, і буду дадаваць вам адвагі. Давайце доказ любові, якая ніколі не сканчаецца, таму што паходзіць ад Айца Нябеснага, які вечны і ахвяруе вечнасць усім маім дзяцям, Дух майго Сына заўсёды будзе з вамі. Зноў заклікаю вас мае дзяці маліцца за сваіх пастыраў, маліцеся каб любоў майго Сына вяла іх. Дзякуй. "

"Дарагія дзеці, на жаль, сярод вас, маіх дзяцей, шмат барацьбы, нянавісці, карысьлівасьці, эгаізму. Мае дзеці, як лёгка забываеце майго Сына, Яго словы, Яго любоў. Вера сгасае ў многіх душах,а сэрцы апантаныя матэрыяльнымі справамі гэтага свету. Тым не менш, маё матчына сэрца ведае, што ёсць тыя, хто верыць і любіць, хто хоча як мага больш наблізіцца да майго Сына, хто нястомна шукае майго Сына - таму шукае і мяне. Гэта пакорлівыя і лагодныя, хваробы і пакуты трываць моўчкі, спадзяюцца, але перш за ўсё маюць веру. Гэта апосталы маёй любові.

Мае дзеці, апосталы маёй любові, я вучу вас, што мой Сын не патрабуе пастаянных малітваў, але ўчынкаў і пачуццяў, веры і малітвы, каб праз асабістую малітву ўзрасталі ў веры, ўзрасталі ў любові. Ён хоча, каб вы любілі адзін аднаго, таму што гэта шлях да вечнага жыцця. Мае дзеці, не забывайце, што гэта мой Сын прынёс святло на гэтую зямлю, і прынёс яго тым, хто хацеў Яго бачыць і прыняць. Вы будзеце такімі, калі гэта будзе святло ісціны, міру і любові. Я як матуля правяду вас да сузірання майго Сына, да любові Яго са мной, каб вашы думкі, словы і ўчынкі былі накіраваны да Яго і ў Яго імя. Тады споўніцца жаданне майго сэрца. Дзякую вам. "

"Дарагія дзеці! Я, па волі Айца Міласэрнага, даю вам відочныя прыкметы майго мацярынства і буду надалей іх вам даваць. Мае дзеці, гэта мацярынскае жаданне вылечваць душы. Гэта маё жаданне, каб кожнае маё дзіця мела сапраўдную веру, каб атрымалі цудоўны вопыт, п'ючы з крыніцы Слоў майго Сына- Слоў Жыцця. Мае дзеці, мой Сын, праз міласць і ахвяру прынёс у свет святло веры і паказаў вам дарогу веры. Дзеткі, бо вера перамагае боль і пакуты. Сапраўдная вера робіць малітву больш чуллівай, робіць справы міласэрнасці- размову, міласціну. Гэта мае дзеці якія маюць веру, сапраўдную веру, шчаслівыя нягледзячы нінашто, таму што перажываюць на зямлі пачатак нябеснага шчасця. Таму, дзеці мае, апосталы маёй любові, заклікаю вас даць прыклад праўдзівай веры, каб неслі святло там дзе цемра, каб жылі маім Сынам. Мае дзеці, як маці кажу вам: не можаце ісці дарогай веры і наследаваць майго Сына без вашых пастыраў. Маліцеся, каб яны мелі сілу і любоў каб весці вас. Няхай вашы малітвы заўсёды будуць з імі. Дзякуй. "

"Дарагія дзеці! Любоў майго Сына вялікая. Калі б вы ведалі веліч Яго любові, вы б не пераставалі пакланяцца Яму і дзякаваць Яму. Ён заўсёды жывы для вас у Эўхарыстыі, бо Эўхарыстыя - Яго сэрца; Эўхарыстыя - гэта сэрца веры. Ён ніколі не пакінуў вас. І калі вы спрабуеце пакінуць яго, Ён не пакідае вас. Менавіта таму маё матчына сэрца радуецца, калі бачыць, як вы, напоўненыя любоўю, вяртаецеся да Яго; калі Ён бачыць, што вы набліжаецеся да Яго праз прымірэнне, любоў і надзею. Маё мацярынскае сэрца ведае, што калі вы - апосталы маёй любові, мае кветкі - ідзяце шляхам веры, бо вы зараз парасткі, бутоны, але дзякуючы малітве і посту вы прынясеце свой плён. Вы будзеце несці святло і з усёй любоўю і мудрасцю будзеце асвятляць усё вакол сябе. Дзеці мае, як маці, прашу вас: маліцеся, думайце, разважайце. Усё, што з вамі адбываецца - прыгожае, пакутлівае, радаснае, святое - прымушае вас духоўна прачынацца, і мой Сын узрастае ў вас. Дзеці мае, трымайцеся за Яго, верце Яму, давярайце Яго любові, няхай Ён вядзе вас. Няхай Эўхарыстыя будзе месцам, дзе вы будзеце карміць свае душы, а потым распаўсюджваць любоў і праўду, сведчыць пра майго Сына. Дзякуй вам. "

"Дарагія дзеці, дзякуючы рашэнню і любові Бога, я была абрана стаць Божай маці і вашай маці. Але нават з маёй волі і маёй нязменнай любові да Нябеснага Айца і майго поўнага даверу да Яго, маё цела стала келіхам Богачалавека. Я была на службе праўды, любові і збаўлення. Я зараз сярод вас, каб запрасіць вас, дзеці, апосталы маёй любові, быць носьбітамі праўды, запрасіць вас распаўсюджваць Яго словы, словы збаўлення праз вашую волю і любоў да майго Сына, каб паказаць сваімі учынкамі ўсім, хто не ведаў майго Сына, яго любоў. Вы знойдзеце сілу ў Эўхарыстыі, Сын мой сілкуе цябе сваім целам і ўмацоўвае цябе сваёй крывёю. Дзеці мае, складзіце рукі і моўчкі глядзіце на крыж у цішы. Такім чынам, вы атрымаеце веру, каб вы маглі яе перадаць, вы атрымліваеце ісціну, каб вы маглі адрознівацца, вы атрымаеце любоў, каб ведалі як сапраўды любіць. Дзеці мае, апосталы маёй любові, складзіце рукі, паглядзіце на крыж, толькі выратаванне ў крыжы. Дзякуй. "

"Дарагія дзеці, ваша чыстая і шчырая любоў прываблівае маё матчына сэрца. Ваша вера і давер да Нябеснага Айца - гэта духмяныя ружы, якія вы прыносіце мне - самыя прыгожыя букеты руж, складзеныя з вашых малітваў, учынкаў міласэрнасці і любові. Апосталы маёй любові, вы, якія шчыра з чыстым сэрцам наслядуеце майго Сына, вы, якія шчыра любіце яго, дапамажыце, будзьце прыкладам тым, хто яшчэ не адчуў любові майго Сына, але, дзеці мае, не толькі словамі, але і ўчынкамі і чыстымі пачуццямі якімі вы праслаўляеце Нябеснага Айца. Апосталы маёй любові, гэта час увагі і я прашу вас любові. Каб вы нікога не асуджалі, бо Нябесны Айцец будзе судзіць усіх. Я прашу, каб вы любілі і абвяшчалі праўду, таму што праўда старая, яна не новая, яна вечная. Яна- ісціна. Яна сведчыць пра вечнасць Бога. Нясіце святло майго Сына і разганяйце цемру, якая ўсё больш імкнецца ахапіць вас. Не бойцеся. З ласкі і любові майго Сына я з вамі. Дзякуй. "

"Дарагія дзеці! Бог дазволіў мне быць з вамі сёння, заклікаць вас да малітвы і посту. Жывіце гэтым часам ласкі і будзьце сведкамі надзеі, бо я паўтараю вам, дзеткі, што праз малітву і пост можна ўратавацца нават ад вайны. Дзеткі, верце і жывіце ў веры і з верай у гэты час ласкі, і маё Беззаганнае Сэрца не пакіне нікога з вас у бядзе калі маёй абароны папросіце. Я заступаюся за вас перад Ўсявышнім і малюся за мір у вашых сэрцах і надзею на будучыню. Дзякуй, што адгукнуліся на мой заклік. "

"Дарагія дзеці! Маё сэрца радаснае, бо праз гэтыя гады я бачу вашу любоў і адкрытасць на мае заклікі. Сёння я звяртаюся да вас усіх: маліцеся са мной за мір і свабоду, бо шатан моцны і хоча праз сваю хітрасць адвесці як можна больш сэрцаў ад майго матчынага сэрца. Таму выбярыце Бога, каб было добра вам на зямлі, якую Бог вам даў. Дзякуй, што адгукнуліся на мой заклік. "

"Дарагія дзеці! Запрашаю вас да моцнай малітвы. Мадэрнізм хоча ўвайсці ў вашы думкі і выкрасці радасць малітвы і сустрэчы з Езусам. Таму, мае дарагія дзеці, аднавіце малітву ў вашых сем'ях, каб маё мацярынскае сэрца было радасным, як у ў першыя дні, калі я выбрала вас і малітва трывала дзень і ноч, і неба не маўчала, але шчодра адорвала супакоем і благаслаўленнем гэтае месца. Дзякуй, што адгукнуліся на мой заклік. "