Weekly Medjugorje Messages of year 1986

"Kjære barn! Eg kallar dykk til å bestemme dykk for å tene Gud fullstendig. Eg bønfell dykk, kjære barn, om å overgje dykk fullt og heilt til Gud, og så skal de bli i stand til å etterleva alt eg fortel dykk. Det vil ikkje bli vanskeleg for dykk å overgje dykk heilt til Gud. Takk for at de har svara på mitt kall. "

"Kjære barn! Eg oppmodar dykk gjennom bønene dykkar til å hjelpe Jesus med å fullføre alle planane som han har lagt her. Gje dykkar offer til Jesus slik at alt kan bli fullført slik Han har planlagt det og at Satan ikkje får utretta noko. Takk for at de har svara på mitt kall. "

"Kjære barn! Også i dag kaller eg dykk til bøn. Bønene dykkar er nødvendige for meg slik at Gud kan bli herleggjord gjennom dykk alle. Eg ber dykk, kjære barn, om å lytte til og etterleva kallet frå Mor dykkar, fordi eg kallar dykk berre av kjærleik, slik at eg kan hjelpe dykk. Takk for at de har svara på mitt kall. "

"Kjære barn! På nytt inviterer eg dykk til å be med hjartet. Om de ber med hjartet, kjære barn, vil dei iskalde hjarto til brørne dykkar smelte og alle hindringar vil forsvinne. Omvending vil bli lett for dei som ynskjer å ta imot ho. Du må be om at naboen din må få denne gåva. Takk for at de har svara på mitt kall. "

"Kjære barn! I dag kallar eg dykk alle til å be om at Guds planar for oss må bli realiserte, og at alt som Gud ynskjer gjennom dykk kan bli fullført! Hjelp andre med å bli omvende, særleg dei som kjem til Medjugorje. Kjære barn, lat ikkje Satan få kontroll i hjarto dykkar, slik at de blir ei etterlikning av Satan og ikkje av meg. Eg kallar dykk til å be slik at de kan bli vitne for mitt nærvær. Utan dykk kan ikkje Gud realisere det Han ynskjer. Gud har gjeve alle ei fri vilje, og de kontrollerer ho. Takk for at de har svara på mitt kall. "

"Kjære barn! Dette soknet, som eg har valt, er spesielt og annleis enn andre. Og eg gjev stor nåde til alle som ber med hjartet. Kjære barn, eg gjev bodskapane fyrst og fremst til innbyggjarane i soknet, og så til alle andre. Fyrst av alt må de akseptere bodskapane, og så dei andre. De skal stå til ansvar overfor meg og Sonen min, Jesus. Takk for at de har svara på mitt kall. "

"Kjære barn! Denne fastetida er ei spesiell oppmoding for dykk til å endre dykk. Start frå no av. Slå av fjernsynet og fornekt andre ting som ikkje har nokon verdi. Kjære barn, eg kallar kvar og ein av dykk til omvending. Denne tida er for dykk. Takk for at de har svara på mitt kall. "

"Kjære barn! Den andre bodskapen i denne fastetida er at de fornyar bøna framføre krossen. Kjære barn, eg gjev dykk særskild nåde, og Jesus gjev dykk særskilde gåver frå krossen. Ta imot dei og opplev dei! Tenk på Jesu pinsle og forein dykk med Jesus i liva dykkar! Takk for at de har svara på mitt kall. "

"Kjære barn! Etterlev med audmjuke bodskapane eg gjev dykk. Takk for at de har svara på mitt kall. "

"Kjære barn! I dag kallar eg dykk til å opne dykk meir for Gud, så vil Gud arbeide gjennom dykk. Til meir de opnar dykk, til større frukter vil de motta. Eg ynskjer på nytt å kalle dykk til bøn. Takk for at de har svara på mitt kall. "

"Kjære barn! I dag kallar eg dykk til å oppleva denne fastetida med dei små offera dykkar. Takk for alle offera de har kome med til meg. Kjære barn, lev slik heile tida og hjelp meg med kjærleik å bringe offer. Gud vil løne dykk for det. Takk for at de har svara på mitt kall. "

"Kjære barn! I dag kallar eg dykk til meir aktiv bøn. De ynskjer å verkeleggjera alt eg fortel dykk, men de klarar det ikkje fordi de ikkje ber. Kjære barn, eg bønnfell dykk om å opne dykk, og at de tek til å be. Om de startar, skal bøn bli til glede for dykk og det vil ikkje bli kjedeleg, fordi de vil be med glede. Takk for at de har svara på mitt kall. "

"Kjære barn! Eg ynskjer å takke dykk for alle offer, og eg kallar dykk til det største av alle offer, kjærleikens offer. Utan kjærleik kan de korkje godta meg eller Sonen min. Utan kjærleik kan de ikkje fortelja om erfaringane dykkar til andre. Difor kallar eg dykk, kjære barn, til å ta til å leva med kjærleik. Takk for at de har svara på mitt kall. "

"Kjære barn! Eg ynskjer å invitere dykk til å leva i den heilage messe. Mange av dykk har følt kor vakker den heilage messe er, men det er også dei som kjem med uvilje. Eg har valt dykk, kjære barn, men Jesus gjev sine nådegåver til dykk i messa. Lev difor medvetne med i den heilage messe og lat det vera ei glede for dykk å koma. Kom og ta imot den heilage messe med kjærleik. Takk for at de har svara på mitt kall. "

"Kjære barn! Eg vil at de skal vekse med kjærleik. Ingen blomst kan vekse normalt utan vatn. På same måte kan ikkje de, kjære barn, vekse utan Guds velsigning. Frå dag til dag må de søkje Hans velsigning, slik at de kan vekse normalt og gjera alt saman med Gud. Takk for at de har svara på mitt kall. "

"Kjære barn! De er opptekne av materielle ting, men i det materielle mistar de alt Gud har lyst til å gje dykk. Eg kallar dykk, kjære barn, til å be om gåvene til Den Heilage Ande, som de treng om de skal klare å vitne om mitt nærver her og alt det eg gjev dykk. Kjære barn, overgjev dykk til meg så eg kan vise dykk vegen. Bli ikkje opptekne av materielle ting. Takk for at de har svara på mitt kall. "

"Kjære barn! I dag inviterer eg dykk til bøn. Kjære barn, de har gløymt at de alle er viktige. Særleg dei eldre i familien er viktige. Oppmod dei til å be. Lat alle dei unge bli gode eksempel for andre med liva sine, og lat dei vitne om Jesus. Kjære barn, eg tryglar dykk om å ta til å forandre dykk gjennom bøn, så skal de få vita kva de treng å gjera. Takk for at de har svara på mitt kall. "

"Kjære barn! Eg ber dykk om å ta til å forandre liva i familiane dykkar. Lat familien bli ein harmonisk blomst som eg kan gje til Jesus. Kjære barn, lat kvar familie bli oppteken av bøn, for eg ynskjer ein dag å sjå fruktene i familiane. Berre på den måten vil eg gje dykk alle som kronblad, som ei gåve til Jesus i samband med fullføringa av Guds plan. Takk for at de har svara på mitt kall. "

"Kjære barn! De er ansvarlege for bodskapane. Her er kjelda av nåde, men det er de kjære barn, som overfører gåvene. Difor, kjære barn, kallar eg dykk til å gjera jobben dykkar med ansvar. Alle skal svara for seg sjølve. Kjære barn, eg kallar dykk til å gje gåvene med kjærleik til andre, utan å halde dei for dykk sjølve. Takk for at de har svara på mitt kall. "

"Kjære barn! I dag kallar eg dykk til å gje meg dykkar hjarte, slik at eg kan endre det slik at det liknar på mitt. De spør, kjære barn, kvifor de ikkje kan svara på alt eg søkjer hjå dykk. Det er de ikkje i stand til fordi de ikkje har gjeve meg hjarta dykkar slik at eg kan endre det. De pratar, men gjer ikkje. Eg kallar dykk til å gjera alt det eg fortel dykk. På den måten vil eg vera med dykk. Takk for at de har svara på mitt kall. "

"Kjære barn! I dag ynskjer eg å gje dykk min kjærleik. De veit ikkje, kjære barn, kor stor kjærleiken min er, og de veit ikkje korleis de skal ta imot han. På forskjellige måtar ynskjer eg å syne kjærleiken til dykk, kjære barn, men de gjenkjenner han ikkje. De forstår ikkje orda mine med hjarta dykkar, og de er heller ikkje i stand til å forstå kjærleiken min. Kjære barn, godta meg i liva dykkar så vil de bli i stand til å akseptere alt eg seier til dykk, og som eg kallar dykk til. Takk for at de har svara på mitt kall. "

"Kjære barn! I dag kallar eg dykk til å verkeleggjera kjærleiken i liva dykkar til Gud og dykkar medmenneske. Utan kjærleik, kjære barn, kan de ikkje gjera noko. Difor kallar eg dykk, kjære barn, til å leva i gjensidig kjærleik. Berre slik blir de i stand til å elske og akseptere både meg og alle dei rundt dykk. Alle vil kjenne min kjærleik gjennom dykk. Difor ber eg dykk frå i dag, kjære barn, om å starte å elske kvarandre med ein glødane kjærleik, kjærleiken som eg elskar dykk med. Takk for at de har svara på mitt kall. "

"Kjære barn! I dag kallar eg dykk til å bestemme dykk om de er viljuge til å etterleva dei bodskapane eg gjev dykk. Eg ynskjer at de aktivt etterlever og vidarefører bodskapane. Kjære barn, eg ynskjer særleg at de alle blir ei etterlikning av Jesu lys, for å opplyse denne vantruande verda som vandrar i mørke. Eg ynskjer at de skal vera som lys for andre og vera vitne med lyset. Kjære barn, de er ikkje kalla til mørket, men til lyset. Lev difor lyset med liva dykkar. Takk for at de har svara på mitt kall. "

"Kjære barn! I dag kallar eg dykk til å begynne å be rosenkransen med ei levande tru. På den måten vil eg vera i stand til å hjelpe dykk. De, kjære barn, ynskjer å motta nåde utan at de ber. Eg kan ikkje hjelpe dykk, fordi de kjem ikkje i gang. Kjære barn, eg kallar dykk til å be rosenkransen, og at det å be rosenkrasen blir ei plikt for dykk som de vil fullføre med glede. På den måten skal de forstå grunnen til at eg er med dykk så lenge. Eg ynskjer å lære dykk å be. Takk for at de har svara på mitt kall. "

"Kjære barn! I desse dagane tillet Herren meg å gje dykk meir nåde gjennom mi forbøn. Difor oppmodar eg dykk nok ein gong til å be, kjære barn! Be utan opphald! På den måten vil eg gje dykk gleda som Herren gjev til meg. Med desse nådegåvene, kjære barn, ynskjer eg at dykkar lidingar blir til glede. Eg er Mor dykkar, og eg ynskjer å hjelpe dykk. Takk for at de har svara på mitt kall. "

"Kjære barn! Gud tillet meg saman med Han å verkeleggjera denne oasa av fred. Eg ynskjer at de skal passe på ho, og at denne oasa alltid blir rein. Det finst dei som med si aktløyse øydelegg roa og bøna. Eg kallar dykk til å vitne med dykkar eige liv slik at de opprettheld freden. Takk for at de har svara på mitt kall. "

"Kjære barn! I dag kallar eg dykk alle til bøn. Utan bøn, kjære barn, er de ikkje i stand til å oppleva korkje Gud, eller meg, eller den nåde eg gjev dykk. Difor oppmodar eg dykk til alltid å starte og avslutte dagen med bøn. Kjære barn, eg ynskjer dagleg å leie dykk meir og meir i bøn, men de er ikkje i stand til å vekse fordi de ikke ynskjer det. Mi oppmoding, kjære barn, er at de set bøn på fyrste plass. Takk for at de har svara på mitt kall. "

"Kjære barn! I dag kallar eg dykk til det heilage. Utan det heilage kan de ikkje leva. Med kjærleik kan de difor overkoma all synd og alle vanskar som kjem til dykk. Kjære barn, eg tryglar dykk om å leva med kjærleik i dykk sjølve. Takk for at de har svara på mitt kall. "

"Kjære barn! I dag kallar eg dykk til å tenkje over kvifor eg er med dykk så lenge. Eg er meklaren mellom dykk og Gud. Difor, kjære barn, ynskjer eg å kalle dykk til alltid å leva i kjærleik, alt det Gud ynskjer av dykk. Av den grunn, kjære barn, etterlev med audmjuke alle bodskapane eg gjev dykk.Takk for at de har svara på mitt kall. "

"Kjære barn! Eg glær meg over alle som er på veg mot det heilage, og eg ber om at de med dykkar eigne vitnesbyrd hjelper dei som ikkje veit korleis dei skal leva heilagt. Difor, kjære barn, lat familiane dykkar bli ein stad der det heilage blir fødd. Hjelp alle til å leva på ein heilag måte, særleg familiane dykkar.Takk for at de har svara på mitt kall. "

"Kjære barn! Hat føder usemje og tek ikkje omsyn til nokon eller noko.Eg kallar dykk til alltid å bera fram samhald og fred. Særleg der de bur, kjære barn, oppfør dykk med kjærleik. Lat kjærleik vera det einaste middelet for dykk. Med kjærleik kan de redde alt som Satan ynskjer å øydeleggje. Berre på den måten skal de bli fullstendig mine, og eg skal klare å hjelpe dykk. Takk for at de har svara på mitt kall. "

"Kjære barn! De veit at eg lova dykk ein oase av fred, men de veit ikkje at ved kvar oase finst det ein ørken der Satan ligg på lur og ventar på å freiste kvar og ein av dykk. Kjære barn, berre ved bøn kan de vinne over innverknaden frå Satan på dykkar plass. Eg er med dykk, men eg kan ikkje ta bort fridomen dykkar. Takk for at de har svara på mitt kall. "

"Kjære barn! Eg kallar dykk til at bønene dykkar blir gledelege møte med Herren. Eg kan ikkje leie dykk før de kjenner glede ved bøn. Frå dag til dag ynskjer eg å leie dykk meir og meir i bøn, men eg ynskjer ikkje å tvinge dykk. Takk for at de har svara på mitt kall. "

"Kjære barn! Eg takkar dykk for kjærleiken de syner meg. Veit de, kjære barn, at eg elskar dykk utan grenser og dagleg ber eg Herren om å hjelpe dykk til å forstå kjærleiken eg syner dykk. Difor, kjære barn, be, be, be! Takk for at de har svara på mitt kall. "

"Kjære barn! Eg kallar dykk til å vera eksempel for andre i alt, særskilt i bøn og vitnesbyrd! Kjære barn, utan dykk kan eg ikkje hjelpe verda. Eg ynskjer at de samarbeider med meg i alt, sjølv i dei minste tinga. Difor, kjære barn, hjelp meg ved å lata bønene dykkar koma frå hjartet, og at alle overgjev seg fullstendig til meg. På den måten skal eg vera i stand til å lære og leie dykk på vegen som eg har begynt med dykk. Takk for at de har svara på mitt kall. "

"Kjære barn! I dag kallar eg dykk til bøn og faste. De veit, kjære barn, at med dykkar hjelp kan eg fullføra alt og tvinga Satan til ikkje å lokke til det vonde og å fjerna han frå denne staden. Kjære barn, Satan ligg på lur etter kvar person. Særleg i det daglege ynskjer han å spreie forvirring mellom kvar og ein av dykk. Difor kallar eg dykk, kjære barn, til at dagane dykkar berre blir fylde av bøn og at de overgjev dykk heilt til Gud. Takk for at de har svara på mitt kall. "

"Kjære barn! I desse dagane når de glade lovprisar krossen, ynskjer eg at krossen dykkar også vil bli til glede for dykk. Kjære barn, be særleg om at de blir i stand til å akseptere sjukdom og lidingar med kjærleik, på same måte som Jesus gjorde. Berre på den måten blir eg i stand til med glede å gje dykk den nåde og dei helbredingar som Jesus tillet meg. Takk for at de har svara på mitt kall. "

"Kjære barn! I dag takkar eg dykk på nytt for alt de har gjort for meg desse dagane. Særskilt takkar eg dykk i Jesu namn, kjære barn, for alle offer de har gjort sist veke. Kjære barn, de gløymer at eg ynskjer offer frå dykk, slik at eg kan hjelpe dykk med å drive Satan vekk frå dykk. Takk for at de har svara på mitt kall. "

"Kjære barn! Med dykkar eigen fred kallar eg dykk til å hjelpe andre med å sjå og å begynne med å leite etter fred. De er i fred, kjære barn, og forstår ikkje ufred. Difor kallar eg dykk slik at de gjennom bøn og liva dykkar hjelper til med å øydeleggje alt som er vondt i folk, og å avdekkje narreriet som Satan brukar. De skal be om at sanninga må vinne i alle hjarte. Takk for at de har svara på mitt kall. "

"Kjære barn! I dag kallar eg dykk på nytt til bøn. De, kjære barn, er ikkje i stand til å forstå kor stor verdien av bøn er, så lenge de sjølve ikkje seier; no er det tid for å be, no er ikkje noko anna viktig for meg, no er ikkje nokon annan enn Gud viktig for meg. Kjære barn, vie dykk med kjærleik til bøn, slik at Gud blir i stand til å gje dykk nåde. Takk for at de har svara på mitt kall. "

"Kjære barn! De veit at eg ynskjer å leie dykk på den heilage vegen, men eg vil ikkje tvinge dykk til å bli helgnar. Eg ynskjer at kvar og ein av dykk med små avkall hjelper dykk sjølve og meg, slik at eg frå dag til dag kan leie dykk til å bli meir heilage. Difor, kjære barn, ynskjer eg ikkje å tvinge dykk til å etterleva bodskapane, men at eg er med dykk så lenge er eit teikn på at eg elskar dykk umåteleg, og at eg ynskjer at kvar og ein skal bli heilag.Takk for at de har svara på mitt kall. "

"Kjære barn! I dag ynskjer eg på nytt å syne kor mykje eg elskar dykk, men eg er lei meg at eg ikkje kan hjelpe alle med å forstå min kjærleik. Difor, kjære barn, kallar eg dykk til bøn og fullstendig overgjeving til Gud, fordi Satan vil skilje dykk i det daglege, og han ynskjer å ta fyrsteplassen i liva dykkar. Kjære barn, be difor utan opphald! Takk for at de har svara på mitt kall. "

"Kjære barn! I dag kallar eg dykk på nytt om å be. Eg ber dykk særskilt om å be om fred, kjære barn. Utan dykkar bøner, kjære barn, kan eg ikkje hjelpe til med å oppfylle bodskapane eg fekk frå Herren for å gje til dykk. Difor, kjære barn, be slik at de gjennom bøn vil forstå kva Gud gjev dykk. Takk for at de har svara på mitt kall. "

"Kjære barn! Også i dag ynskjer eg å kalle dykk til på fullt alvor å ta imot og etterleva dei bodskapane eg gjev dykk. Kjære barn, det er for dykkar skuld eg har vorte her så lenge for å hjelpe dykk med å verkeleggjera alle dei bodskapane eg gjev dykk. Difor, kjære barn, oppfyll av kjærleik til meg alle bodskapane eg gjev dykk. Takk for at de har svara på mitt kall. "

"Kjære barn! I dag ynskjer eg å kalle dykk til dagleg å be for sjelene i skjærselden. Kvar sjel treng bøn og nåde for å koma til Gud og Guds kjærleik.Ved å gjera det, kjære barn, får de nye etterfølgjarar som vil hjelpe dykk med å forstå at alle dei jordiske tinga ikkje er viktige for dykk, men at det berre er himmelen som er viktig å streve etter. Difor, kjære barn, be utan opphald slik at de blir i stand til å hjelpe dykk sjølve og dei andre som vil få glede gjennom bønene dykkar. Takk for at de har svara på mitt kall. "

"Kjære barn! I dag kallar eg dykk på nytt til bøn med heile hjartet og at de dag for dag forandrar liva dykkar. Eg kallar dykk særleg, kjære barn, at de med dykkar bøner og offer tek til å leva eit heilagt liv, fordi eg ynskjer at kvar og ein av dykk som har vore ved denne heilage kjelda kjem til paradiset med den spesielle gåva som de skal gje meg, nemleg det heilage. Difor, kjære barn, be dag ut og dag inn for å få endra liva dykkar slik at de kan bli heilage, så skal eg alltid vera nær dykk! Takk for at de har svara på mitt kall. "

"Kjære barn! I dag kallar eg dykk med ekstra kjærleik til å oppfylle og følgje alle bodskapane som eg sender til dykk. Kjære barn, Gud ynskjer dykk ikkje lunkne og ubestemte, men at de overgjev dykk heilt til Han. De veit at eg elskar dykk og at eg brenn av kjærleik for dykk. Difor, kjære barn, bestem dykk for kjærleik slik at de dag ut og dag inn vil lengte etter å kjenne Guds kjærleik. Kjære barn, bestem dykk for kjærleik slik at kjærleiken får overtaket i dykk alle, ikkje menneskeleg kjærleik, heller Guds kjærleik. Takk for at de har svara på mitt kall. "

"Kjære barn! I dag kallar eg dykk til å overgje liva dykkar med kjærleik til meg, slik at eg kan leie dykk med kjærleik. Eg elskar dykk med ein ekstra kjærleik, kjære barn, og eg ynskjer å føre dykk alle fram til himmelen til Gud. Eg ynskjer at de skal vera klar over at dette livet er kortvarig samanlikna med livet i himmelen. Difor, kjære barn, bestem dykk i dag på nytt for Gud. Berre på den måten vil eg vera i stand til å syne dykk kor sterkt eg ynskjer at de alle må bli redda og bli med meg i himmelen. Takk for at de har svara på mitt kall. "

"Kjære barn! I dag kallar eg dykk til å førebu hjarto dykkar til desse dagane, når Herren særleg ynskjer å rense dykk for alle tidlegare synder. De, kjære barn, er ikkje i stand til å gjera det åleine, difor er eg her for å hjelpe dykk. Be, kjære barn! Berre på den måten vil de vera i stand til å erkjenne alt det vonde som er i dykk og overgje det til Herren, slik at Han kan rense hjarto dykkar fullstendig. Difor, kjære barn, bed utan opphør og førebu hjarto dykkar gjennom bot og faste. Takk for at de har svara på mitt kall. "

"Kjære barn! Eg kallar dykk til å be ekstra i denne tida slik at de kan oppleva gleda ved å møte den nyfødde Jesus. Kjære barn, eg ynskjer at de skal oppleva desse dagane på same måte som eg. Med glede ynskjer eg å leie dykk og syne dykk gleda som eg ynskjer å føre kvar og ein av dykk inn i. Difor, kjære barn, be og overgjev dykk heilt til meg. Takk for at de har svara på mitt kall. "

"Kjære barn! Nok ein gong ynskjer eg å kalle dykk til bøn. Når de ber, er de mykje vakrare, som blomster, som etter at snøen er smelta syner all sin venleik og alle fargene blir ubeskrivelege. Så også med dykk, kjære barn, etter bønene dykkar syn Gud det som er fint og som er er elska av Ham. Difor, kjære barn, be og opne hjarto dykkar for Herren, slik at Han kan gjera dykk til ein harmonisk og vakker blomst for paradiset. Takk for at de har svara på mitt kall. "

"Kjære barn! I dag takkar eg på nytt Herren for alt Han gjer mot meg, særleg for den gåva at eg også i dag kan vera hjå dykk. Kjære barn, dette er dagane då Faderen gjev særlege nådegåver til alle som opnar hjarto sine. Eg velsignar dykk og ynskjer at også de, kjære barn, forstår nådegåvene og stiller dykk sjølve til rådvelde for Gud, slik at Han kan bli herleggjord gjennom dykk. Hjartet mitt følgjer utviklinga dykkar nøye. Takk for at de har svara på mitt kall. "