Our Lady of Medjugorje Messages containing 'за'

"Дарагія дзеці! Маё сэрца радаснае, бо праз гэтыя гады я бачу вашу любоў і адкрытасць на мае заклікі. Сёння я звяртаюся да вас усіх: маліцеся са мной за мір і свабоду, бо шатан моцны і хоча праз сваю хітрасць адвесці як можна больш сэрцаў ад майго матчынага сэрца. Таму выбярыце Бога, каб было добра вам на зямлі, якую Бог вам даў. Дзякуй, што адгукнуліся на мой заклік. "

"Дарагія дзеці! У гэты неспакойны час, калі д'ябал збірае жніво душ, каб прыцягнуць іх да сябе, я заклікаю вас да трывалай малітвы, каб вы ў малітве адкрылі Бога любові і надзеі. Дзеці, вазьміце крыж у рукі. Няхай ён вас заахвочвае, бо любоў заўсёды перамагае, асабліва цяпер калі адхіленыя крыж і вера. Вы павінны быць адлюстраваннем і прыкладам у сваім жыцці, што вера і надзея ўсё яшчэ жывыя і новы свет супакою магчымы. Я з вамі і хадайнічаю за вас перад маім Сынам Ісусам. Дзякуй, што адгукнуліся на мой заклік. "

"Дарагія дзеці! Дзеткі, з радасцю звяртаюся да ўсіх вас, хто адгукнуўся на мой заклік, будзьце радасцю і супакоем. Сваім жыццём давайце сведчанне нябёсаў, якое вам нясу. Прыйшоў час, дзеткі, каб вы сталі адлюстраваннем маёй любові да ўсіх тых, хто не любіць і чыё сэрца напоўнена нянавісцю. Не забывайце: Я з вамі і хадайнічаю за вас усіх перад маім сынам Езусам, каб Ён даў вам свой спакой. Дзякуй, што адказалі на мой заклік. "

"Дарагія дзеці! Я з вамі і мы молімся разам. Дапамажыце мне, дзеткі, молячыся, каб сатана не перамог. Яго сіла смерці, нянавісці і страху надышла на Зямлю. Таму, дзеткі, вяртайцеся да Бога і малітвы, посту і адрачэння за ўсіх, хто растаптаны, бедны і не мае голасу ў гэтым свеце без Бога. Дзеці, калі вы не вернецеся да Бога і Яго запаведзяў, то ў вас няма будучыні. Вось чаму паслаў мяне, каб весці вас. Дзякуй, што адказалі на мой заклік. "

"Дарагія дзеці! Я чую вашы енкі і малітвы аб міры. Сатана змагаецца на працягу многіх гадоў за вайну. Таму Бог паслаў мяне да вас, каб весці вас шляхам святасці, бо чалавецтва знаходзіцца на раздарожжы. Я запрашаю вас вярнуцца да Бога і Божых запаведзяў, каб было добра вам на зямлі і вы выйшлі з гэтага крызісу, у які вы трапілі, таму што вы не слухаеце Бога, які любіць вас і хоча выратаваць вас і прывесці да новага жыцця. Дзякуй, што адгукнуліся на мой заклік. "

"Дарагія дзеці! Я гляджу на вас і бачу, што вы загубленыя. Таму заклікаю ўсіх вас: вяртайцеся да Бога, вяртайцеся да малітвы, і Дух Святы напоўніць вас сваёй любоўю, якая дае радасць сэрцу. Надзея будзе расці ў вас і ў лепшай будучыні, і вы станеце радаснымі сведкамі Божай міласэрнасці ў вас і вакол вас. Дзякуй за тое, што адгукнуліся на мой заклік. "

"Дарагія дзеці! Я гляджу на вас і дзякую Богу за кожнага з вас, таму што Ён дазволіў мне заставацца з вамі, каб заахвоціць вас да святасці. Дзеці, мір парушаны, а сатана жадае хваляванняў. Таму няхай будзе яшчэ мацней вашая малітва, каб замоўк нячысты дух падзелу і вайны. Будзьце будаўнікамі міру і нясіце радасць Уваскрослага ў сябе і вакол вас, каб дабро панавала ў кожным чалавеку. Дзякуй, што адгукнуліся на мой заклік. "

"Дарагія дзеці! Я радуюся з вамі і дзякую вам за кожную ахвяру і малітву, якія вы ўчынілі ў маіх намерах. Дзеці, памятайце, што вы важныя ў маім плане выратавання чалавецтва. Вярніцеся да Бога і маліцеся, каб Дух Святы дзейнічаў у вас і праз вас. Дзеці, я з вамі ў гэтыя дні, калі сатана змагаецца за вайну і нянавісць. Падзел моцны, і зло дзейнічае ў чалавеку, як ніколі. Дзякуй, што адгукнуліся на мой заклік. "

"Дарагія дзеці, няхай Бог дазволіць мне быць з вамі і весці вас шляхам міра, каб праз асабісты мір вы будавалі мір у свеце. Я з вамі і заступаюся за вас перад маім Сынам Езусам, каб даў вам моцную веру і надзею на лепшую будучыню, якую я хачу будаваць з вамі. Будзьце адважнымі і не бойцеся, бо Бог з вамі. Дзякуй, што адказалі на мой заклік. "

"Дарагія дзеткі! Маліцеся, каб Дух Святы асвятліў вас, каб з радасцю шукалі Бога і былі сведкамі бязмежнай любові. Я з вамі, дзеткі, і зноў заклікаю ўсіх вас: -будзьце адважнымі і сведкамі добрых спраў, якія Бог чыніць у вас і праз вас. Радуйціся ў Богу. Рабіце дабро бліжняму, каб добра было вам на зямлі і маліцеся за мір, які знаходзіцца пад пагрозай, бо сатана хоча вайны і смуты. Дзякуй, што адказалі на мой заклік. "

"Дарагія дзеці! Я заклікаю вас выйсці на прыроду і маліцца, каб Усявышні гаварыў з вашым сэрцам і каб вы адчулі сілу Святога Духа, каб вы сведчылі пра любоў, якую Бог мае да ўсяго створанага. Я з вамі і заступаюся за вас. Дзякуй, што адказалі на мой заклік. "

"Дарагія дзеці! Найвышэйшы дазволіў мне быць сярод вас, маліцца за вас, быць вашай Маці і вашым прытулкам. Дзеткі, я запрашаю вас вярнуцца да Бога і малітвы, і Бог вас шчыра дабраславіць. Дзякуй, што адказалі на мой заклік. "

"Дарагія дзеці! У гэты час ласкі, у які Найвышэйшы паслаў мяне любіць вас і весці вас шляхам навяртання, ахвяруйце свае малітвы і ахвяры за ўсіх тых, хто далёка і не спазнаў Божай любові. Вы, дзеткі, будзьце сведкамі любові і супакою для ўсіх неспакойных сэрцаў. Дзякуй, што адказалі на мой заклік. "

"Дарагія дзеці! Вятры зла, нянавісці і беспарадкаў дзьмуць па зямлі, каб знішчыць жыцці. Таму Ўсявышні паслаў мяне да вас, каб весці вас на шлях супакою і еднасці з Богам і людзьмі. Вы, дзеткі, мае працягнутыя рукі: маліцеся, посціце і складайце ахвяры за мір. Скарб, якога жадае кожнае сэрца. Дзякуй, што адказалі на мой заклік. "