Monthly Medjugorje Messages

"Дарагія дзеткі! У гэты час ласкі, калі вы пакліканы да навяртання, я заклікаю вас, дзеткі, паказаць мне свае малітвы, пакуты і слёзы за навяртанне сэрцаў, якія знаходзяцца далёка ад сэрца майго Сына Езуса. Маліцеся са мною, дзеткі, бо без Бога ў вас няма будучыні і жыцця вечнага. Я люблю вас, але я не магу дапамагчы вам без вас. Дык скажыце Богу так. Дзякуй, што адказалі на мой заклік. "

"Дарагія дзеці! У гэты год ласкі заклікаю вас да навяртання. Пастаўце Бога, дарагія дзеці, у цэнтр вашага жыцця, і плёнам будзе любоў да бліжняга і радасць сведчання, а святасць вашага жыцця стане сапраўдным сведчаннем веры. Дзякуй, што адгукнуліся на мой заклік. "

"Дзеткі! Маліцеся, маліцеся, маліцеся, каб супакой запанаваў у кожным сэрцы і перамагаў усялякае зло і неспакой. Дзякуй, што адказалі на мой заклік. "

"Дарагія дзеці! У гэты міласэрны час чакання хачу запрасіць вас да малітвы, каб Адвэнт стаў сямейнай малітвай. Асаблівым чынам, дзеткі, якіх я пяшчотна абдымаю, я заахвочваю вас маліцца за мір у свеце, каб мір перамог над хваляваннямі і нянавісцю. Дзякуй, што адказалі на мой заклік. "

"Дарагія дзеці! У гэты час, калі святкуецца ўрачыстасць Усіх Святых, прасіце іх заступніцтва і малітвы, каб у еднасці з імі знайсці мір. Няхай святыя будуць вашымі заступнікамі і прыкладам для наследавання і святога жыцця. Я з вамі і заступаюся перад Богам за кожнага з вас. Дзякуй, што адказалі на мой заклік. "

"Дарагія дзеці! З любові да вас Бог паслаў мяне да вас, каб любіць вас і заахвочваць да навяртання і малітвы за мір у вас, у вашых сем’ях і ў свеце. Дзеткі, не забывайце, што сапраўдны мір прыходзіць толькі праз малітву ад Бога, Які ёсць вашым супакоем. Дзякуй, што адгукнуліся на мой заклік. "

"Дарагія дзеткі! Сёння малюся з вамі за мір. Дабро і зло змагаюцца і жадаюць перамагчы ў свеце і ў сэрцах людзей. Будзьце людзьмі надзеі і малітвы, і вялікага даверу да Бога Стварыцеля, якому ўсё магчыма. Няхай мір пануе ў вас і вакол вас, дзеці. Благаслаўляю вас сваім матчыным благаслаўленнем, каб вы, дзеткі, былі радасцю для ўсіх, каго сустрэнеце. Дзякуй, што адказалі на мой заклік. "

"Дарагія мае дзеці! Я выбрала вас і з радасцю вяду вас, бо бачу ў вас, дзеткі, людзей веры, надзеі і малітвы. Няхай гонар за тое, што вы мае, вядзе вас, дзеці, а я вяду вас да Таго, хто ёсць дарога, праўда і жыццё і ёсць з вамі, каб мір панаваў у вас і вакол вас, бо Бог паслаў мяне да вас з гэтым намерам. Дзякуй, што адказалі на мой заклік. "

"Дарагія дзеці! Я радуюся з вамі і дзякую Богу за тое, што дазволіў мне быць з вамі, весці вас і любіць вас. Дзеткі, мір знаходзіцца пад пагрозай, а сям'я атакуецца. Дзеткі, я заклікаю вас вярнуцца да малітвы ў сям’і. Пакладзіце Біблію на бачнае месца і чытайце яе кожны дзень. Любіце Бога больш за ўсё, каб добра было вам на зямлі. Дзякуй, што адгукнуліся на мой заклік. "

"Дзеткі, у гэты час ласкі я запрашаю вас маліцца сэрцам. Дзеткі, стварайце малітоўныя групы, у якіх вы будзеце заахвочваць адно аднаго да дабра і ўзрастання ў радасці. Дзеці, у вас яшчэ доўгі шлях. Дык павярніцеся зноў і выберыце шлях святасці і надзеі, каб Бог даў вам мір у дастатку. Дзякуй, што адказалі на мой заклік. "

"Дарагія дзеткі! Я з вамі, каб сказаць вам, што я люблю вас і заахвочваю да малітвы, таму што сатана моцны і з кожным днём яго сіла мацнее праз тых, хто выбраў смерць і нянавісць. Вы, дзеткі, будзьце малітвай і маімі працягнутымі рукамі любові для ўсіх тых, хто знаходзіцца ў цемры і шукае святла нашага Бога. Дзякуй, што адказалі на мой заклік. "